Zure egonaldirako planik onenak
Gozatu Donostiaz bere ‘shop online’-arekin
Donostia San Sebastian Turismoak turismo-txartelak online erosteko aukera ematen duen tresna digital bat du martxan, baita bisita gidatuen, jardueren, produktuen, esperientzien eta ihesaldien proposamen osoa ere. Erosketa digitalizatuz, bisitariak etxetik interesatzen zaizkion jarduerak planifikatu eta eros ditzake, hirira iritsi aurretik.
Donostia San Sebastian Turismoak teknologia berrien aldeko apustua egiten du, bisitariaren esperientzia hobetzeko aplikatuz eta klik bakar baten esku jarriz tokiko esperientzien eskaintza zabala. www.sansebastianturismoa.eus webgunean eskaintzen diren produktuek eta zerbitzuek benetako esperientziak eskaintzen dituzte, kulturaz eta tradizioz beteak, bai Donostiako auzoetan, bai lurraldean, deskontzentrazioa, jasangarritasuna, kalitatea eta helmugaren benetakotasuna sustatuz.
Bisitariak, edo bertakoek, tokiko jarduerak ere ezagut ditzakete, Donostiako enpresek eskainitakoak, kultura eta tradizio propioak sustatzen dituztenak eta ingurumenarekiko jasangarriak direnak.
Online Dendaren jarduerek hiriko auzoetara eta ingurunera bideratutako turismo-fluxua banatzen ere laguntzen dute. Eskaintzen diren produktuen erdiak Donostiatik kanpoko esperientziak dira. Deskontzentrazioak aukera ematen du lurraldeko baliabide turistiko eta natural bikainak ezagutarazteko eta balioesteko, gune turistiko berberetan saturazioa saihesteko, eta egonaldi turistikoaren luzapena sustatzeko eta, ondorioz, batez besteko egonaldia handitzeko.
Ezagutu hemen Jarduera Onenak eta Txartel Turistikoak.