Aste Santu honetan, Covid19a baino lehenagoko bisitari gehiago
Euskadiko turisten sarrerei buruzko apirileko datuak, EUSTATek gaur argitaratutakoak, 2019ko apirilekoak baino handiagoak dira. Urteko lehen lauhilekoak erakusten du nazioarteko turismoaren susperraldia eta pandemia aurreko kopuruen oso antzekoak direla.
Gaur EUSTATen datuak argitaratu dira Euskadiko hotel-establezimenduetako sarrerei eta ostatu-gauei dagokienez; 2021aren aldean hirukoiztu egin dira, eta sarreren kasuan 2019koak gainditzen dituzte, pandemia iritsi aurretik.
Hotel-establezimenduetako sarrerak %4,3 hazi dira 2019ko apirilekoen aldean, eta %207 2021ekoekin alderatuz gero. 2022ko lehen lauhilekoko bilakaera oso positiboa izan da, 2019tik hurbil dauden zifrekin, 2 puntu baino gutxixeago, nahiz eta otsailean eta apirilean 2019ko hilabete berdinetakoak gainditu dituzten.
Nazioarteko turismoa, mugikortasunaren murrizketek 2021ean kaltetu zutena, suspertuz joan da lauhileko honetan, 2019ko lehen lauhilekotik -%0,4ra bakarrik geratuz. Joera positiboa adierazten duten datuak dira, kontuan hartuta 2021eko udan nazioarteko turismoa %34 jaitsi zela.
Euskal AEko hotel-establezimenduetako ostatu-gauak hirukoiztu egin dira 2021aren aldean
Turismo, Merkataritza eta Kontsumo Sailak Euskadi sustatu du Aste Santu honetarako, "Bizit Euskadi" kanpainarekin, eta udarako sustapena areagotzen ari da Estatuko eta nazioarteko helmugetan, hala nola Portugalen, Frantzian, Erresuma Batuan, Alemanian eta Beneluxen, bai produktu-kanpaina hipersegmentatuekin, bai helmugako hainbat sustapen-ekintzekin, bai prentsa-bidaiekin eta turoperadoreekin.
Berrienen artean, asteartean aurkezpena egin zen turoperadoreen aurrean Oporton, eta aste honetan hainbat herrialdetako kazetari talde bat Euskadira joango da, naturan eta ekoturismoan oinarrituta. Gainera, hilabete honetan, Basquetour Turismoaren Euskal Agentziak merkaturatzeari buruzko CEAV jardunaldietan eta ROUTES Europe nazioarteko konektibitate azokan parte hartu du, besteak beste.
Harpidetu zaitez gure Newsletterrera
Kalitate turistikoko edukirik onena dugu, zure posta elektronikora bidaliko dizugu hamabost egunetik behin.
Te van a encantar
Ardoaraba, kortxoa kentzen dugu berriro!
Pandemiak ezarritako murrizketen ondorioz bi urtez egin gabe egon ondoren, Ardoarabaren hamabosgarren edizioa abenduaren 8a arte ospatzen da (ostalaritzan 11ra arte), gaur egun arte antolatutako edizioen artean luzeena.
Nafarroako JDk urte aparta itxi du salmentei dagokienez
2021ean zifra positiboak izan ziren Nafarroako Jatorri Deitura duten ardoen salmentetan. Aldi horretan merkaturatzea %10,7 handitu da, 2020. urtearekin alderatuta.
Ezagutu zientziaren aurpegirik dibertigarriena
Zientzia ikastea ez da inoiz hain dibertigarria izan. Zatoz eta pasa ezazu Eureka! Zientzia Museoan, jende guztiarentzako plan ezin hobea.
Umbra Light Festival: Argiak eta artea Gasteizen
Jaialdiak argiz eta artez beteko ditu otsailaren 9tik 11ra bitartean Gasteizko kaleak, plazak eta eraikin enblematikoak, nazioarteko erreferentzia bihurtu den jaialdiaren hirugarren edizioan. Azken edizioak 107.000 pertsona baino gehiago erakarri zituen euskal hiriburura.