Gasteizko gastronomia herrikoia eta bere merkatuak
Más sobre:
Gasteizko sukaldaritza tradizionala, euskal sukaldaritza berriarekin eta pintxoekin batera, bertako enogastronomiaren zutabe nagusietako bat da. Sasoiko produktuak dira sukaldaritza-kulturaren funtsa, eta Gasteiz Arabako eskaintzaren erakusleiho eta lotura nagusia da.
Patata, babarrun pintatu arabarra, babarrunak, perretxikoak (udaberriko perretxikoak), Gorbeiako eztia edo Idiazabal gazta (ardi belatxinga, arraza autoktonoa) errezeta tradizional bikainen oinarria dira. Ez ahaztu platerei azken ukitua ematen dieten ongailuak, hala nola Añanako gatza, kalitate apartekoa eta Gatz Haranean biltzen dena, 6.000 urteko antzinatasuna duten gatzagak.
Aipamen berezia merezi dute, halaber, Arabako Mendialdeko boilur beltzak eta Arabako Errioxako Arroniz barietate bereziko olio birjinak. Eta uztartzerako, Arabako Errioxako ardo bikainak eta Arabako txakolina.
Errezeta tradizionalenak herri bakoitzeko jaietan prestatzen dira. Probintziako patroia den San Prudentzio eguna dela eta, bezperan Danborrada ezagunaren protagonista diren elkarte gastronomikoek hartzen dute protagonismoa (lokal pribatuak, non plazer handiena janaria prestatzeko eta platerak dastatzeko biltzea den). 'Plater izarrak' perretxikoen eta barraskiloen nahasketak dira. Eta maiatzaren 1ean, eskaintza enogastronomikoa Estibalizko Andre Mariaren santutegira lekualdatzen da.
Aipamen berezia merezi dute Gasteizko gozotegi ospetsuek. Ehundaka urte dituzte, eta hainbat espezialitate prestatzen dituzte: trufak eta bonboiak, turroiak, euskal pastela, goxua, pasteltxoak, gozokiak eta konfiturak.
Hiriko merkatuak
Esperientzia ezin hobea dira tokiko produkturik onenak eskuratzeko, aholkularitza hurbilarekin eta adituarekin.
Hornidura-merkatua (Mercado de Abastos). Hiriko merkatu nagusia da, jardueraz betetako gunea, lurraldeko produkturik onenak dituzten postuekin. Gainera, gastrobareak eta euskal kultura enogastronomikoan murgiltzeko tailerrak eta dastaketak eskaintzen ditu.
Almendra azoka. Hileko lehen larunbatero, Erdi Aroko hiriguneko merkatariak kalera ateratzen dira beren produktuak erakusteko. Merkataritza, enogastronomia eta kultura uztartzen dituzten hainbat jarduerek osatzen dute merkatu hau.
Beste merkatu batzuk. Bere tradizioagatik nabarmentzen dira Blusa eta Neskaren Eguneko baratxurien merkatua (uztailak 25, Santiago), Erdi Aroko merkatua (iraila) eta Gabonetako nekazaritza eta artisau merkatua (Gabon egunaren aurreko osteguna).
Informazio gehiago:
Gure Newsletterera harpidetu
Kalitate turistikoko edukirik onena dugu, zure posta elektronikora bidaliko dizugu hamabost egunetik behin.
Te va a encantar
2023ko Frantziako Tourra, Euskadiko promoziorik onena munduan
Datorren urteko Frantziako Tourraren edizioa Euskaditik aterako da eta bere lehen 3 etapek gure lurraldea zeharkatuko dute, munduari daukagun onena erakusteko aukera paregabea.
‘Haragi’ itzuli da, haragia maite dutenen topaketa
Se trata de un evento impulsado por el Ayuntamiento de Tolosa, Gobierno Vasco, HAZI y Basque Culinary Center que se celebrará del 19 al 22 de mayo. El primer día habrá un congreso profesional, mientras que el fin de semana la fiesta se centrará en Tolosa.
“Gaur nirekin” barne-turismoa sustatzeko
Gipuzkoako ‘Insta-Tour’ bat, hiriburuko influencer-ekin, Gipuzkoako Foru Aldundiak abiarazi duen barne turismoa sustatzeko.
Euskadin, ehun eguzki baino gehiagok distiratzen dute
Sarrera berriekin, Euskadik 101 eguzki lortu ditu 66 jatetxetan: 9 Hiru Eguzkirekin, 17 Bi Eguzkirekin eta 40 Eguzki batekin. Bakarrarekin estreinatutako jatetxeak hauek dira: Gipuzkoako ‘Ama’ eta ‘Narru’; Bizkaiako ‘Gotzon’, ‘Jauregibarria’, ‘La despensa de Etxanobe’ eta ‘Remenetxe’; eta Arabako ‘Kea’.