“Hain Gipuzkoa”-k turismo-jardunbide egokiak sarituko ditu
Lehenengo edizio honetan hiru kategoria egongo dira. Alde batetik, ibilbide profesionalari ematen zaion Hain Gipuzkoa Saria; bestetik, proiektu iraunkorrari ematen zaion Hain Gipuzkoa Saria; eta azkenik, digitalizazioari ematen zaion Hain Gipuzkoa Saria. Interesa duten erakundeek datorren urriaren 22a baino lehen aurkeztu beharko dituzte eskabideak, beteta eta sinatuta.
Mugikortasun, Turismo eta Lurralde Antolaketako Departamentuak 'Hain Gipuzkoa' sarien lehen ediziorako deialdia egin du. Sari horrek lurraldeko turismo-arloan egiten ari diren jardunbide egokiak aitortu nahi ditu, kalitatezko turismo-helmuga jasangarri gisa kokatzen laguntzen baitigu. Azahara Dominguez diputatuak azaldu duenez, lehen edizio honetan hiru kategoria egongo dira. Alde batetik, Ibilbide Profesionalaren Hain Gipuzkoa Saria, enpresa- eta lanbide-ibilbideagatik Gipuzkoa kalitatezko helmuga turistiko lehiakor eta iraunkor gisa posizionatzen lagundu duten edo laguntzen ari diren pertsonak aintzatestea helburu duena.
Bestetik, Hain Gipuzkoa Saria Proiektu Iraunkorrari, eskualde- edo toki-izaerako turismo-erakundeei zuzendutako saria, beren eragin-eremuan gizarte-, ingurumen- eta ekonomia-arloko jarduketen bidez ekimen arduratsu eta iraunkorrak gauzatu dituztenei. Azkenik, Digitalizazioaren Hain Gipuzkoa Saria, turismo-sektorean digitalizazioaren eta berrikuntzaren bidez lehiakortasuna bultzatzen duten erakundeen ahalegina sarituko duena. "Gipuzkoa tradizio turistiko handiko lurraldea da, eta abegikorra izateagatik nabarmendu da. Hala ere, ETAren terrorismoaren amaieratik, Gipuzkoak jarduera turistikoaren berpizkundea bizi izan du, eta industria turistikoa osatzen duten enpresa, erakunde eta pertsonek oso urte gutxi izan dituzte gure lurraldea gaur egungo turismo helmuga iraunkor eta kalitatezkoa bihurtzeko. Horregatik, pertsona eta erakunde horiek egin duten lan eskerga aitortzeko unea iritsi dela uste dugu; izan ere, turismo-industria Gipuzkoako BPGd-aren % 7,1 da gaur egun, lan eskerga egin dutelako", nabarmendu du diputatuak.
Interesa duten erakundeek datorren urriaren 22a baino lehen aurkeztu beharko dituzte eskabideak, beteta eta sinatuta, Aldundiaren egoitza elektronikoan. Gainera, azalpen-memoria bat erantsi beharko dute, hautagaitzaren merezimenduak modu arrazoituan eta nahikoan jasotzen dituena, bai eta sustapen-material grafikoa (mp4 formatuko bideoak eta/edo eskubiderik gabeko irudiak bereizmen handian) eta memorian identifikatutako merezimenduak egiaztatzen dituen beste edozein dokumentu ere.
Harpidetu zaitez gure Newsletterrera
Kalitate turistikoko edukirik onena dugu, zure posta elektronikora bidaliko dizugu hamabost egunetik behin.
Asko gustatuko zaizu
Surfing Euskadi, udako jarduera bat baino gehiago
Turismo, Merkataritza eta Kontsumoko sailburu Javier Hurtadok “Surfing Euskadi” produktuaren Klubaren 10. urteurrenaren ospakizunean parte hartu du. Bertan azaldu duenez, surfa turismoa erakartzeko elementu gisa bultzatzeko sortu zen, bere enpresen lankidetza indartuz, bai eta surfeko eta kostaldeko baliabideen sustapena ere.
Financial Times-ek Bilbo gomendatzen du inbertitzeko
Financial Times talde ospetsuko fDi Intelligence aldizkariak Europako 367 hiriren artean saritu du Bilbo, bere indar ekonomikoengatik, enpresa-sareagatik eta finantza-gaitasunengatik.
BBK Aretoak euskal dantzak eta flamenkoa uztartzen ditu
BBK Aretoak Sevillako Bienal de Flamenco-rekin batera ekoitzia, Jon Maya dantzari eta Kukaiko zuzendariak eta Andrés Marín dantzari eta 2022ko Dantza Sari Nazionalak sortu eta interpretatutako muntaia da. Urtarrilaren 14an eta 15ean.
Unerik onenak gogorarazten dizkiguten aromak
GOVALIS enpresa gasteiztar sortu berria da, eta munduko hainbat lekutan egindako egonaldiaren unerik onenak gogoratzen laguntzen digu. Usaimenaren bidez egiten du, Gasteizen artisau moduan egindako kandela usaintsuen bidez, %100eko osagai lokal eta jasangarriekin.