Donosti eta Biarritz, turismoa sustatzeko baterako apustua
Gehiago:
Donostia Turismoak eta Biarritz Tourismek elkarrekin egin dute lan helburu bera lortzeko: bi turismogune bikainetako turismoa sustatzeko indarrak batzea turismo-marka bakarraren pean; horrek kanpoko merkatura begira erakargarritasun handiagoz proiektatuko ditu, bisitari berriak lortzen eta bisitak desestazionalizatzen lagunduko die.
Donostiako eta Biarritzeko turismo-erakundeek hilabeteak daramatzate ezaugarri komun ugari dituzten bi hiri marka turistiko bakarraren pean elkartuko dituen sustapen turistikoko lankidetza eta estrategia komuna lantzen. Bisitari berrietara iristea eta elkarren arteko indarrak bateratzea du helburu egitasmoak. Lehen ekintzak uztailaren 14tik aurrera jarriko dituzte abian “ Donostia - Biarritz- Bi hiri, gune bakarra” turismo-marka berria abian jarrita. Gainera, bi hiriak 60 minutuan elkartuko dituen zuzeneko autobusa jarriko da abian eta www.sansebastianbiarritz.com domeinuan webgune bat sortu dute elkarrekin.
Helburua bi hiriak epe luzera begira elkarrekin bultzatzea da, helburu diren nazioarteko publikoak zabalduta eta desestazionalizazioa sustatuta. Donostiako Turismo Jasangarriko zinegotziak, Cristina Lagék , adierazi du “ 6 hilabete daramatzagula proiektu honen inguruan lanean eta legealdiaren hasiera-hasieratik genuen ibilbide-orrian jasota. Donostia eta Biarritz prestigio handiko marka turistiko gisa bateratzea izan da asmoa, helburu komunarekin: Europako iparraldeko eta Asiako bisitariengana iristea eta gure turismogunez goi-denboralditik kanpo gozatzea. Bestalde, gertuko bisitariei batez besteko egonaldia luzatzea ahalbidetuko lukeen turismogune komuna eskaintzea du helburu.
Horretarako, eskaintza anitzagoa jasotzen du, ahaidetutako bi hirien arteko kultura, gizarte eta ekonomia arloko truke eta mugimenduari balioa emanda". Nazioartean ezagunak diren bi hiri dira.
Egitasmoa Gipuzkoako Ostalaritza Elkarteak, Gipuzkoako Hotelen Elkarteak eta San Sebastián Shops ek babestu dute; gainera, Basquetour-en laguntza jaso du.
"Donostia-Biarritz. Bi hiri, gune bakarra"
Donostia-Biarritz autobus espresa
Informazio praktikoa
Iraupena 60 min.
Ordutegia: Asteazken, ostiral eta igande. Uztailak 14 - abuztuak 31.
Biarritzetik irteerak: 9h, 11h, 13h, 15, 17h, 19h.
Donostitik irteerak: 10h, 12h, 14h, 16h, 18h, 20h.
Geldialdiak:
Donosti: Autobus geltokia. Federico García Lorca, 1.
Biarritz: 17 Avenue Charles Floquet Parking
Prezioak: Helduak 10€, 16 urte baino gutxiago 5€, 0-2 urtekoak doainik.
Salmenta:
Donosti eta Biarritzeko turismo bulegoetan.
Hau gustatu bazaizu, ez galdu:
Artiumek 2023ko erakusketa-programa aurkezten du
Artium Museo gasteiztarrak bakarkako erakusketak eskaintzen dizkie Alejandro Cesarco, Carolina Caycedo, Rafael Lafuente eta Julia Spínola artistei; eta nazioarteko museo eta erakundeekin batera ekoizten ditu bere erakusketa-proiektuak.
Harpidetu zaitez gure Newsletterrera
Kalitate turistikoko edukirik onena dugu, zure posta elektronikora bidaliko dizugu hamabost egunetik behin.
Asko gustatuko zaizu
Donostia, premium helmuga turistikoa
Donostia San Sebastián Turismoa Nazioarteko Turismo Azokan egon da, FITURen, Euskadi gunean stand propio batekin, eta profesionalei zein azken publikoari turismo premium eta jasangarri baten alde egindako apustuari buruzko informazioa eskaini die.
Izki Golf, Arabako mendialdeko sekretua
Eremu honek edertasun natural handiko leku pribilegiatu batean du kokalekua. Arabako Mendialdea, Izkiko Parke Naturaletik metro gutxira.
Araba eta Gasteiz Valladolideko INTUR azokan sustatzen dira
Ardoarabako ardorik eta gastronomiarik onenak; Erdi Aroko hiribilduak, gazteluak eta dorre gotortuak; eta Gabonetarako planik onenak dira Gasteizek eta Arabak Valladolideko barne-turismoaren azoka honetan aurkezten dituzten proposamenetako batzuk.
Donostiako “Enbaxadoreak” munduan zehar
Hiriko hainbat arlotako zazpi profesional izendatu dituzte Donostiako enbaxadore berri, ‘Enbaxadore Programa’ren barruan, Donostia San Sebastián Turismoa Convention Bureau-k eta Kursaal Kongresu Jauregiak sustatuta.