Balenciaga, Elkano eta txakolina, bisitatu Getaria
Getaria kostaldeko herri bat da, Juan Sebastian Elkano munduari bira eman zion lehen gizonaren eta Cristobal Balenciaga diseinatzailearen jaioterria izateagatik ezaguna. Era berean, ospetsuak dira parrilan arraina eta jatorri-deitura duen ardo zuria prestatzen dituzten bere jatetxeak, Getariako Txakoli izenekoa. Gure kostako herri xarmangarrienetako bat.
Getaria Gipuzkoako erdialdeko kostaldean dago, Kantauri itsasoaren ertzean. Bere alde zaharra, XVI. mendera arte uharte bat izan zen San Anton mendiarekin lurra lotzen duen tonboloan dago. San Anton mendiaren silueta sagu baten antzekoa da, tonboloak eta Getariako herriak bere buztana osatzen dutelarik. Horregatik, San Anton mendia ezagunagoa da Ratón de Getaria ezizenarekin, Gipuzkoa osoko postalik ohikoenetako bat baita.
Jatorrian, multzo historikoa harresituta eta torreatuta zegoen, baina gaur egun ia ez dira elementu horiek kontserbatzen. Deigarria eta oso ezaguna da San Salbador elizaren azpitik igarotzen den pasabide bat, Kale Nagusia eta portura daramaten eskailerak lotzen dituena. Pasabide honek Katrapona izena jasotzen du eta antzinako defentsen aztarna da.
Juan Sebastián Elkano
"Primus circumdedisti me" izan zinen buelta eman zenidan lehena. Honela dio Carlos V.a enperadoreak Juan Sebastian Elkanori lurreko lehen zirkunnabigazioa burutu ondoren eman zion armarriaren idazkunak. Horrela ezagutu zuen euskal nabigatzailearen balentria, 1522ko irailaren 6an Sanlúcar de Barramedara iritsi zena Victoria itsasontzian, itsasoratu eta hiru urtera.
Juan Sebastian Getarian jaio zen, Gipuzkoako kostaldean, aurkikuntzen garaiaren hasieran, 1487an.
Bere "sagu" ospetsua
Getariako sinbolo bat da
Critóbal Balenciaga
Christian Diorrek "gu guztion maisua" deitzen zuen, Hubert de Givenchyk "goi Mailako josturaren arkitektoa" bezala aipatzen zuen, eta Coco Chanelek "benetako couturier bakarra" bezala. Aurkitu jenio honen bizitza.
Cistóbal Balenciaga Eizaguirre Getarian jaio zen 1895eko urtarrilaren 21ean, familia langile batean. Aita, arrantzalea, Balenciagak 11 urte zituela hil zen. Ama, Balenciagarentzat erreferentea, jostuna zen eta Casa-Torreseko markesen familiarentzat lan egiten zuen.
Getariako txakolina
XIX. mendearen hasieran txakolina baserrietan ekoizten zen eta autokontsumora mugatzen zen. Gaur egun, urtean 2 milioi botila baino gehiago ekoizten dira eta mundu osoko mahai hautatuenetara esportatzen da. Garapen galanta ardo gazte horrentzat, apur bat aparduna eta freskagarria, jatorri-deitura duena: Getariako Txakolina. Bisitak egiteko ateak irekitzen dituzten upeltegi ugari daude, eta, gainera, ekitaldi erakargarrien egutegi baten protagonista da.
Hau gustatu bazaizu, ez galdu:
Patagonia firmak Gipuzkoa aukeratu du bere ingurumen kanpainarako
Ekimen honen aurkezpena ekainaren 9an egingo da Albaola Itsas Kultur Faktorian (Pasaia), sentsibilizazio jardunaldi batean, doakoa eta publikoari irekia izango dena, sarrera aldez aurretik erreserbatuta.
Harpidetu zaitez gure Newsletterrera
Kalitate turistikoko edukirik onena dugu, zure posta elektronikora bidaliko dizugu hamabost egunetik behin.
Asko gustatuko zaizu
Arrasate, historia eta natura
Debagoieneko herria, paisaia menditsuz inguratuta, bisitarientzat erakargarri ugari dituena. Eraikin monumental garrantzitsuak ezagutzeko lekua, esperientzia eskaintza zabala eta askotarikoa egiteko aukera izateaz gain.
Pipper, turista txakurrak, Euskadiko dog-friendly helmugak erakusten dizkizu
Eusko Jaurlaritzako Turismo Sailak “Donostia txakurrarekin” gida kaleratu du. Pipperrek Donostian bizi dituen abenturak kontatzen ditu komiki formatuan, eta hirian maskotek onartzen dituzten baliabideak erakusten ditu, bidaiarien eta haien animalien eskubideak eta betebeharrak zabalduz.
Goierri, naturako jardueren paradisua
Goierriko eskualdea Euskal Herriko erdigunean dago, eta, beraz, leku aproposa da bertan ostatu hartu eta hainbat txango egiteko, bertako gastronomia aberatsaz gozatzeko edo Ordiziako azoka tradizionala bisitatzeko, besteak beste.
Jai ugariko uda Gasteizen
Uda honetan, Euskadiko hiriburuak inoiz baino gogotsuago ospatzen ditu kultura, kirola eta jaiak. Jai horietan, bertakoek eta bisitariek beren kaleetako alaitasunaz eta giroaz gozatzen dute, uda honetan antolatzen diren ekitaldi ugarietan. Bat egin ospakizunekin!